Pas takimit të tri shkollave që patën realizuar dejtorët e tri shkollave, ditë më parë në fshatin Bardhoc të Kukësit, sot me sukses në fshatin Dacaj të Rozhajës është nënshkruar memorandumi i bashkëpunimit të IPSHF” Dacaj”, Shkollës Fillore të Mesme të ultë “Sezai Surroi” nga Dragashi, drejtor Zeqiri Skënderi dhe Shkollës së Mesme të Bashkuar “Elmaz Ademi”, fshati Bardhoc të Kukësit me drejtor Fadil Shaqiri.
Me rastin e këtij nënshkrimi vëllazëror të bashkëpunimit të shkollave, pos drejtorëve, mësimdhënësve të tri shkollave mysafireb, ishte prezent edhe drejtori i DAR, Z. Skënder Ahmet i cili erdhi me ftesë nga ana e drejtorit të SHF “DACAJ” z. Haxhi Lajçi si edhe zëvendës drejtoresha Albana Beri, Florije Selimaj-mësuese e ciklit të ultë klasor- (klasa e pestë) . Fillimisht përfaqësuesit e shkollave nga Shqipëria dhe Kosova kanë hospituar në disa orë të mësimit, ku panë për së afërmi punën e mësimdhënies dhe mësimnxënies që zhvillohet në këtë shkollë. 
Drejtori i DAR nga qyteti i Kukësit, Skënder Ahmeti ka vlerësuar lartë punën e drejtorit si dhe të gjithë stafit të kësaj shkolle. Ky pati fjalë mirënjohjeje edhe për punën e nxënësve edhe përkundër faktit të kushteve jo aq të mira, infrastukturës, mjeteve mësimore dhe numrit të vogël të nxënësve që posedon shkolla ata janë të shkëlqyeshëm. Pas vizitës që mysafirët realizuan nëpër disa orë të mësimit të ciklit të ulët dhe ciklit të lartë, janë kthyer në zyrën e drejtorit të shkollës fillore “Dacaj” z. Haxhi Lajçi ku zyrtarizuan takimin zyrtar me nënshkrimin dhe vulosjen e memorandumit të bashkëpunimit ndëshkollor. Njëkohësisht nikoqiri i shkollës fillore “Dacaj” Haxhi Lajçi, drejtorët e shkollave mike, Zeqiri Skënderi, Fadil Shaqiri dhe mysafiri special z. Skënder Ahmeti kanë shkëmbyer dhurata modeste ndërmjet njëri tjetrit.
Pas ceremonisë së nënshkrimit të memorandumit vëllazëror dhe shkëmbimit të dhuratatave ,mysafirët nga Kosova dhe Shqipëria kolektivi i shkollës nikoqire kanë ftuar në një drekë vëllazërore për të shijuar ushqimet tradicionale të vendit, të cilat i kishin përgatitur vet mësimdhënësit enkas për këtë ditë të shënuar si shenjë respekti dhe nderimi. Prandaj jo pa qëllim kjo drekë u quajt “Sofra vëllazërore”.
Drejtori i DAR dhe përfaqësuesit e shkollave tashmë mike kanë vlerësuar lartë mikpritjen e organizuar nga stafi i kolektivit të shkollës fillore në Dacaj,duke i ftuar mësimdhënësit që sa më parë që do të kenë mundësinë të marrin udhën e Kosovës dhe të Shqipërisë të kthejnë në një vizitë pune atje së bashku me nxënës. Po në këtë drekë pune u vendos nga tri palët nënshkruese të hartohet plani akcional i bashkëpununimit të shkollave me afate dhe data të caktuara.
Krejt në fund të kësaj vizite zyrtare, nikoqiri i kësaj shkolle z. Haxhi Lajçi ka realizuar bashkë me mysafirët një shetitje të shkurtër qytetit të Rozhajës, veçuar shtëpinë e njohur “Kulla e Ganiqëve” e cila është simbol i qëndresës, jetës njëkohësisht edhe logo e kësaj komune.
RT
