Në kuadër të aktiviteteve të lira në shkollën fillore “Dacaj”, vatër e arsimit shqip në komunën e Rozhajës, u kremtuan 7 Marsi –Dita e Mësuesit dhe 8 Marsi-Dita e Gruas.
Mysafirë nderi për këto festa ishte Shkëlqësia e Tij Z. Skënder Durmishi Ambasador i Kosovës në Mal të Zi i shoqëruar nga zonja Flora Durmishi. Fillimisht drejtori i shkollës z. Haxhi Lajçi ka dëshiruar mirëseardhje ambasadorit duke e falënderuar për bashkëpunim të vazhdueshëm me shqiptarët veçuar mbështetjen morale që Ai është duke i bërë shkollës shqipe këtu në Dacaj. Pastaj i pari i kësaj shkolle ka kërkuar nga të gjithë pjemarrësit, që në këtë ditë të shënuar të arsimit shqip pra 7 Marsit-Ditës së Mësuesit, të nderojnë me një minut heshtje të gjithë mësuesit që tashmë nuk janë në jetë. Pastaj ai ka uruar Festat dhe ka nderuar me mirënjohje Ambasadorin Skender Durmishin.
Moderatorja e Kremtës së festave 7 dhe 8 Marsi, znj.Gjylshahe Jakupi ka
falënderuar zonjën Flora Durmishi për dhuratat pastaj ka ftuar ambasadorin që
ta marrë fjalën.
Z. Skender Durmishi duke ju drejtuar pjesëmarrësve ndër të tjera ka falënderuar
nxënësit, mësimdhënësit për punën e shkëlqyeshme që janë duke bërë në këtë
shkollë, drejtorin për ftesën dhe për pritjen e ngrohtë, duke ju uruar
punonjësve festat e 7 Marsit si dhe 8 Marsit. Gjithashtu ka shprehur falënderim
për ndarjen e mirënjohjës nga ana e
shkollës të cilën mirënjohje do ta veçojë dhe do ta ruaj si kujtim të përherëshëm.
Pastaj nxënësit kësaj shkolle para ambasadorit janë paraqitur me një program
kulturo – zbavitës me recitime, këngë
dhe valle të bukura .
Në fund të programit festiv drejtori për nxënësit e dalluar në mësime dhe sjellje i ka shpërblyer me mirënjohje. Mysafirët e nderuar ,punonjësit si dhe mësuesin veteran Z. Sokol Daci drejtori i ka ftuar në koktel në Restaurant Wahells me ç’rast femrave të kësaj shkolle nga ana e shkollës u janë ndarë dhurata modeste me rastin e 8 Marsit. Njëkohësisht mësimdhënësit e dalluar për këtë vit shkollor janë shpërblyer me mirënjohje këta punëtorë: Gjylshahe Jakupi,Shevqet Daci, Senada Pepiq dhe Antigona Daci.
Mirënjohjet për punën e pamohueshme dhe fisnike të mësimdhënësve ju janë ndarë nga ana e Ambasadorit të Kosovës Z. Skender Durmishi.
E veçantë e kësaj dite të shënuar të arsimit shqip, 7 Marsi-Dita e Mësuesizt, ishte dhurata speciale punimi artistik portreti i kolegut tonë Z. Ali Daci, pikturuar nga kolegu ynë Sabahudin Honsiq, dhuratë të cilën drejtori së bashku punonjësit kishin përgatitur si surprizë.
Duhet theksuar këtë ngjarje në tërësi ka përcjellur medijumi i komunës Radio televizioni i Rozhajës.
